• Үйлчлүүлэгч худалдан авалт хийхдээ сонголтоо зөв хийх үүрэгтэй.
• Захиалсан бараа хүлээн авах үед гэмтэлтэй байсан нь нотлогдсон бол 24 цагийн дотор салбарт ирж уулзах болон худалдан авалт хийсэн салбарын ахлах ажилтантай холбогдон шийдүүлэх.  
• Хэрэглэгчийн сонголт буруу бол 72 цаг дотор багтан шийдвэрлүүлэх. Бараа бүтээгдэхүүн доголдолгүй хэвийн ажиллагаатай мөн 72 цаг хэтэрсэн бол буцаах болон солих боломжгүй.
• 72 цаг дотроо багтан барааг солих болон буцаах бол бүтээгдэхүүний хайрцаг сав баглаа бодоол болон дагалдах хэргсэл /удирдлага, хөл гэх мэт/ бүрэн бүтэн байх шаардлагатай
• НӨАТ баримт болон баталгааны хуудас дээр үндэслэн барааг буцаах болон солих боломжтой
• Бараа хүргэлтээр очсон болон авч явсны дараа худалдагчаас үл хамааран өнгө загвар хэмжээ таараагүй бол 24 цаг дотор мэдэгдэх. Баталгааны хуудас дээрх борлуулагч болон салбарын ахлах ажилтантай холбогдон хүргэлтийн төлбөрийг ахин төлж барааг солих боломжтой
• Хайрцаг сав задарсан болон баглаа боодол хаягдсан бол тухайн бараанаас хамааран хайрцаг савны шимтгэл тооцох ба барааг ашиглаагүй байх ёстой
• Худалдан авалт хийснээс хойш хэрэглэгчийн хэзээ ашигласнаас үл хамааран 7-14 хоног болсон бол засварын төвөөс 72 цаг дотор очин шалгаж асуудлыг шийдэж өгнө
• Жич: Тусгай хямдралтай барааг буцаах боломжгүйг анхаарна уу!
  
  

БАТАЛГААТ ЗАСВАРЫН ЖУРАМ

Баталгаат хугацаанд хэрэглэгчийн буруутай үйл ажиллагаанаас гарсан гэмтлээс бусад гэмтлийг Арина засварын төвд үнэ төлбөргүй засварлана.

Гэмтэлтэй барааг хэрэглэгч засвар үйлчилгээний төвд авч ирэх ба тээврийн зардлыг хэрэглэгч өөрөө хариуцана. Дараах нөхцлийг хангасан тохиолдолд худалдан авагчаас барааг хүлээн авч засвар үйлчилгээг хийнэ. Үүнд:

•     Баталгаат үйлчилгээний карт дээр бичигдсэн бараа бүтээгдхүүний нэр (марк модель) серийн дугаар нь үйлчилгээ авах барааны нэр, серийн дугаартай тохирч байх бөгөөд өөрчилсөн, засварласан, арилгасан тохиолдолд хүчингүйд тооцно.
•     Бараа бүтээгдхүүнд байршуулсан лац хөндөгдөөгүй байна.

Баталгаат засварын үйлчилгээ нь тухайн барааны дагалдах хэрэгсэлд хамаарахгүй

БСБ салбар дэлгүүрүүдэд мөрдөгдөх бараа бүтээгдхүүний баталгаат хугацаа нь худалдан авалт хийсэн өдрөөс эхлэн барааны нэр төрлийн ангилалаас хамаарч 3-36 сар байна. Энэхүү баталгаа нь үйлдвэрийн доголдол болон ямар нэгэн гэмтэл гарахад хурдан шуурхай засварлаж өгөх баталгаа юм. Зарим нэр заасан бараанд баталгаат хугацаа олгохгүй бөгөөд тухайн компани бэлэг урамшуулал болгон өгсөн бараанд баталгаат хугацаа олгогдохгүй.

Дараах нэр заасан бараануудад баталгаат хугацаа олгохгүй болно.

•     Төрөл бүрийн камерны цүнх гэр Адаптор, батарей, чихэвч микрофон, алсын удардлага, холбогч кабель, уртасгагч залгуур
•     Бүх төрлийн филтер
•     Бүх төрлийн дагалдах хэрэгсэл: Тухайлбал: Тоос сорогчны уут, үнэртүүлэгч, кофе машины дагалдах хэрэгсэлүүд тавиур,
•     Хөргөгчний ламп, үнэр дарагч, бактер устгагч
•     Принтер болон хувилагч машины хор, хорны сав, бэхжүүлэгч, плёнк, халаагч элемент, дүрсний бул, цаас татагч резин дамарнууд, бүх төрлийн араа зэрэг хугацаатай элэгдэж хорогддог эд ангиуд

Баталгаат засварын үйлчилгээ нь дараах тохиолдолд хамаарахгүй

•     Бараа бүтээгдхүүнийг зориулалтын дагуу ашиглаагүй, ашиглалтын заавар зөрчсөнөөс үүссэн гэмтэл
•     Барааг худалдан авснаас хойш хэрэглэгч өөрийн сонгосон тээврийн хэрэгсэлээр ачиж тээвэрлэх үед учирсан аливаа эвдрэл, гэмтэл
•     Доргиох, унагах, хагалах, шингэн зүйл асгах, бараанд гадны биет орсон, хөлдүү үед ажиллуулсан зэргээр гадна болон дотор эд ангийг механикаар гэмтээсэн
•     Баталгаат засварын хугацаанд тухайн барааны лац хөндөгдсөн болон эд ангийг эрх бүхий бус засвар үйлчилгээний төв болон хувь хүнээр засуулах гэж оролдсоноос үүдэлтэй эвдрэл гэмтэл
•     Үер, гал түймэр, аянга, иргэний үймээн самуун болон байгалийн давагдашгүй хүчин зүйлээс шалтгаалсан эвдрэл гэмтэл
•     Тухайн барааны бус адаптор, батерей ба цахилгааны тохиромжгүй эх үүсвэр болон хүчдэл ихсэж багассанаас үүдэлтэй эвдрэл гэмтэл
•     Гэрийн болон ахуйн хэрэглээний барааг үйлдвэрлэлийн болон орлого олох зорилгоор , зориулалтын бусаар ашигласан
•     Баталгаат үйлчилгээний хуудсыг өөрчилсөн, дууриалган үйлдсэн, засварласан.